Fahnenflucht

Mit Faaneflucht oder Deserzioon bezäichnet mä das, wenn e Soldat sini milidäärische Pflichte in Chriegs- oder in Friidenszite nid erfüllt, wenn er sich ooni Erlaubnis entfärnt mit dr Absicht sich em Armeedienst für immer z entzie. Dr faaneflüchtigi Soldat wird im Allgemäine as Desertöör (frz. déserteur, abgläitet vo lat. deserere, „verloo“) bezäichnet.

D Deserzioon isch in alle Armeä stroofbar, wil si d Schlaagchraft und d Moraal vo dr Drubbe verchliineret. D Stroof für Faaneflucht isch hüte im Allgemäine Gfängnis, früener isch vilmol d Doodesstroof druf gstande wie s au hüte no in bsundrige Fäll in de Veräinigte Staate mööglig isch.